بغداد (ويب ڊيسڪ) مشهور عراقي ٽڪ ٽاڪر غفران سوادي المعروف اُم فهد کي قتل ڪيو ويو.
پرڏيهي ميڊيا موجب غفران سوادي کي جمعي ڏينهن بغداد ۾ سندس گهر ٻاهران اڻڄاتل ماڻهن گوليون هڻي قتل ڪيو.
رپورٽن ۾ ٻڌايو ويو آهي ته غفران سوادي تي فائرنگ جا منظر سي سي ٽي وي ڪئميرا ۾ محفوظ آهن.
وڊيو ۾ موٽر سائيڪل تي سوار هڪ شخص کي گهر ڀرسان ايندي ڏٺو ويو، پوءِ هو موٽر سائيڪل بيهاري هڪ ڪار ڏانهن ڀڄي ٿو ۽ پوءِ گاڏي تي فائرنگ ڪندي فرار ٿي وڃي ٿو.
رپورٽ موجب ڪيس جي جاچ جاري آهي ۽ جوابدار جي سڃاڻپ اڃا ناهي ٿي.
عراقي عدالت طرفان فيبروري 2023 ۾ غفران سوادي جي ڪجهه سوشل ميڊيا وڊيوز کي فحش ۽ اخلاقيات جي خلاف قرار ڏنو ويو هو ۽ ٽڪ ٽاڪر کي 6 مهينا قيد جي سزا ٻڌائي وئي هئي.
