سجاول (ويب ڊيسڪ) سجاول جي سب جيل مان 3 قيدي فرار ٿي ويا جنهن بعد پوليس ۾ ٿرٿلو پئجي ويو.
فرار ٿيل قيدين ۾ بلاول چانڊيو، رفيق ۽ ستار مڱڻهار شامل آهن.
سجاول ضلعي جي سب جيل مان 3 قيدي دري ٽوڙي فرار ٿي ويا، جنهن بعد سڪيورٽي تي موجود سمورن پوليس اهلڪارن کي معطل ڪيو ويو.
سب جيلر مشتاق سعيد جو چوڻ هو ته جڊيشل سب جيل جي بيرڪ نمبر 3 مان 3 قيدي دريءَ جون سيخون ٽوڙي فرار ٿي ويا، فرار ٿيل 3 قيدي مختلف ڏوهن ۾ ملوث هئا، قيدين جي فرار ٿيڻ بابت جاچ ڪئي پئي وڃي.
ٻئي طرف ايس ايس پي شهلا قريشي جو چوڻ آهي ته سب جيل جي سڪيورٽي تي موجود سمورن پوليس اهلڪارن کي معطل ڪيو ويو آهي، انڪوائري کانپوءِ پوليس ۽ جيل اختيارين خلاف وڌيڪ ڪارروائي ڪئي ويندي.
ايس ايس پي جو چوڻ آهي ته فرار ٿيل 3 قيدي چوري ۽ منشيات سميت ٻين ڏوهن ۾ ملوث هئا.
