ڪوئيٽا (ويب ڊيسڪ) پ پ بلوچستان جي اڳواڻ سرفراز بگٽي چيو آهي ته ڌانڌلي خلاف احتجاج ڪندڙ صوبي جي عوام کي تڪليف نه ڏين.
ڪوئيٽا ۾ پريس ڪانفرنس ڪندي سرفراز بگٽي چيو ته بلوچستان ۾ حڪومت سازي لاءِ پ پ جا نمبر پورا آهن، ن ليگ بلوچستان ۾ اسان کي حڪومت ٺاهڻ جو واضح پيغام ڏئي چڪي آهي، ن ليگ صوبي ۾ اسان جي اتحادي هوندي.
هن چيو ته بلوچستان جي عوام وڏو مينڊيٽ ڏنو آهي، آزاد ميمبر به پ پ ۾ اچي رهيا آهن، هارائيندڙ ڪجهه قوم پرست جماعتون واويلا ڪري رهيون آهن، ڌانڌلي خلاف احتجاج ڪندڙ عوام کي تڪليف نه ڏين، انهن لاءِ قانوني فورم موجود آهن.
