ڍاڪا ( ويب ڊيسڪ ) بنگلاديشي راڄڌاني ڍاڪا ۾ ٽرين ۾ باهه لڳڻ سبب 4 ڄڻا سڙي فوت ٿي ويا، جڏهن ته ڪيئي زخمي ٿي پيا آهن.
ڍاڪا پوليس جو چوڻ آهي ته ٽرين ۾ باهه لڳي نه لڳائي وئي، جنهن ڏسندي ئي ڏسندي چئني بوگين کي پنهنجي لپيٽ ۾ آڻي ڇڏيو.
پوليس موجب، امدادي ڪارڪنن تيزي سان موقعي تي پهچي باهه وسائي، جڏهن ته ان دوران ٽرين سروس ڪجهه دير لاءِ معطل پڻ ڪئي وئي.
پوليس ۽ انتظاميا جي آفيسرن جو چوڻ آهي ته ڪجهه شر پسند ماڻهو چونڊون متاثر ڪرڻ چاهين ٿا، اهڙا واقعا ڪري عام ماڻهن کي ڊيڄارڻ جي ڪوشش ڪئي پئي وڃي.
