تل ابيب (ويب ڊيسڪ) غزا مان ڪيل راڪيٽ حملن کانپوءِ اسرائيل ۾ سائرن وڄي ويا، جنهن کانپوءِ گوريون عالمي هوائي اڏي تي لهندڙ جرمن چانسلر، سندس وفد ۽ صحافين جي زمين تي اونڌو سمهي پوڻ جي وڊيو سوشل ميڊيا تي ٿرٿلو مچائي ڇڏيو.
وڊيو ۾ ڏسي سگهجي ٿو ته جرمن چانسلر اولاف شولز، سندس عملو ۽ وفد سان گڏ موجود صحافين کي جهاز لهڻ کانپوءِ زمين تي ليٽڻ تي مجبور ڪيو ويو.
پوءِ راڪيٽن جي خوف کان اهي ريڙهيون پائيندا ۽ راڪيٽن کان بچڻ جي ڪوشش ڪندا رهيا.
Dear oh dear. German chancellor Scholz, his staff and embedded journalists forced to get off the plane, crawl down and lie on the ground due to rockets shot towards Ben Gurion airport in Tel Aviv. pic.twitter.com/yv6ipXX38J
— Antonello Guerrera (@antoguerrera) October 17, 2023
واضح رهي ته شولز جرمني طرفان اسرائيل جي حمايت ۾ تل ابيب جو دورو ڪيو هو.
پنهنجي سوشل ميڊيا پوسٽ ۾ هڪ چيو هو ته منهنجو اسرائيل جو دورو دوست ملڪ لاءِ آهي، جرمني مضبوطي سان اسرائيل سان گڏ بيٺو آهي.
