جڏهن جلد جي سار سنڀال جي ڳالهه ٿيندي آ ته عورتون بي داغ چهرو حاصل ڪرڻ لاءِ ڪا ڪسر ناهن ڇڏينديون.
سج جي روشني ۽ هوائي گدلاڻ سان چهري تي داڻا، ڪارا چُٽا ۽ سوڄ جهڙا مسئلا پيدا ٿيندا آهن.
انهن مختلف مسئلن کي حل ڪرڻ لاءِ عورتون مهانگيون شيون استعمال ڪنديون آهن، توڙي جو گهر ۾ ان جو وڏو آسان حل موجود آهي.
ان لاءِ توهان کي بس آئس ٽري ۾ ڪيوبز ڄمائڻا پوندا، جيڪا جادوئي اثر ڏيکاريندا.
چمڪدار جلد
چهري تي برف لڳائڻ سان سوڄ ختم ٿيندي آهي، برف واضح طور تي ٿڪاوٽ ختم ڪندي رت جي وهاءَ کي بهتر بڻائيندي آهي ۽ چهري جو رنگ روشن ڪندي آهي.
داڻن جو خاتمو
برف جو استعمال رت جي وهاءَ کي بهتر بڻائي داڻن کي تنگ ڪندو آهي، برف چهري تي سڻڀ جي ضرورت کان وڌيڪ پيداوار کي روڪي سوڄ کي ختم ڪندي آهي.
پوڙهائپ جون علامتون ختم
برف جي ٿڌاڻ توهان جي جلد کي تازو توانو ڪرڻ ۾ مدد ڏيندي آهي ۽ عمر وڌڻ جي اڀرندڙ علامتن جهڙوڪ گهنجن وغيرا کي ختم ڪندي آهي، ان سان توهان جي جلد چمڪدار ۽ جوان نظر ايندي آهي.
چهري تي برف لڳائڻ جو صحيح طريقو
هڪ سنهڙي پڪڙي يا رومال ۾ ڪجهه آئس ڪيوب ويڙهي ڇڏيو ۽ انهن کي پنهنجي چهري تي لڳايو، ياد رکو ته ڏينهن ۾ هڪ کان وڌيڪ ڀيرا پنهنجي جلد تي برف نه لڳايو.
