ڪوئيٽا(ويب ڊيسڪ)بلوچستان جي ضلعي هرنائي ۾ شاهرگ جي ڪوئلي جي کاڻ ۾ ميٿين گئس ڀرجي وڃڻ سبب 4 کاڻيندڙ فوت ٿي ويا.
پوليس موجب پي ايم ڊي سي جي ڪوئلي جي کاڻ نمبر 151 مان 4 کاڻيندڙن جا لاش ڪڍيا ويا آهن.
چيف مائنز انسپيڪٽر عاطف علي موجب فوت ٿيل چئني کاڻيندڙن جا لاش ۽ زخمي ٿيل ٻن ڄڻن کي متاثر ٿيل کاڻ مان ٻاهر ڪڍيو ويو آهي.
عاطف علي وڌيڪ ٻڌايو ته ڪوئلي جي کاڻ ۾ ميٿين گئس ڀرجي وڃڻ سبب ڌماڪو ٿيو.
چيف مائنز انسپيڪٽر موجب حادثي ۾ فوت ٿيل چئني کاڻيندڙن جو واسطو خيبرپختونخوا جي علائقي دير سان هو.
