تل ابيب + بيروت (ويب ڊيسڪ) آمريڪا ۽ ايران وچ ۾ جنگبندي جي اعلان باوجود اسرائيل طرفان لبنان ۾ حملا جاري رهڻ جا اطلاع سامهون آيا آهن، جنهن سبب جنگبندي خطري ۾ پئجي وئي آهي.
پرڏيهي ميڊيا موجب جنگبندي جي اعلان کانپوءِ به لبنان جي مختلف علائقن ۾ اسرائيلي حملا جاري رهيا.
مڪابرا ۾ فضائي حملو ڪيو ويو، جڏهن ته خيام ۾ به سخت گولا باري ڪئي وئي، جتي گذريل هفتن دوران حزب الله ۽ اسرائيلي فوج ۾ جهڙپون ٿينديون رهيون آهن.
اهڙي ريت ڏاکڻي شهر تائر ۾ به ڪيترائي فضائي حملا ڪيا ويا، جن مان هڪ حملو اسپتال ڀرسان ٿيو.
تجزئي نگارن موجب اسرائيلي حملن سان خطي ۾ ڇڪتاڻ وڌڻ جو خدشو آهي ۽ جنگبندي جي مستقبل تي به سوال اٿيا آهن.
