راولپنڊي (ويب ڊيسڪ) پاڪستان سريلنڪا کي 6 وڪيٽن تان شڪست ڏئي ٽي ملڪي سيريز کٽي ورتي.
راولپنڊي ڪرڪيٽ اسٽيڊيم ۾ سريلنڪا طرفان مليل 115 رنسن جو هدف پاڪستان 18.4 اوورن ۾ 4 وڪيٽن جي نقصان تي حاصل ڪري ورتو.
پاڪستان طرفان بابر اعظم ناقابل شڪست 37 رنسن جي اننگز کيڏي، صائم ايوب 36، صاحبزادا فرحان 23، ڪپتان سلمان علي آغا 14 رنسون ٺاهيون.
سريلنڪا طرفان رٿناياڪي 2، هسارنگا ۽ ايشان ملنگا هڪ – هڪ وڪيٽ ورتي.
ان کان اڳ ٽاس هارائڻ کانپوءِ دعوت ملڻ تي پهريان بيٽنگ ڪندي سريلنڪن ٽيم 19.1 اوورن ۾ 114 رنسن تي ڍير ٿي وئي.
مشارا 59 رنسن جي اننگز کيڏي، ڪوشل مينڊس 14، پاٿم نسانڪا 11 رنسون ٺاهيون، ٻين مان ڪو ڊبل فگر ۾ به نه پهچي سگهيو.
پاڪستان طرفان شاهين آفريدي ۽ محمد نواز 3-3، ابرار احمد 2، سلمان مرزا ۽ صائم ايوب هڪ – هڪ وڪيٽ ورتي.
