ناليواري اداڪارا سونيا حسين کي هارر فلم ”ديمڪ“ ۾ شاندار اداڪاري تي روس ۾ ٿيندڙ عالمي فلم فيسٽيول ۾ ايوارڊ سان نوازيو ويو.
سونيا حسين انسٽاگرام تي فيسٽيول جون تصويرون ۽ وڊيوز شيئر ڪندي ٻڌايو ته ”يوروشيا روس فلم فيسٽيول“ ۾ مجموعي طور تي دنيا جي مختلف ملڪن جي 35 فلمن جي چونڊ ٿي هئي.
فلم فيسٽيول ۾ 15 مختلف ڪيٽيگرين لاءِ ايوارڊز ڏنا ويا ۽ سونيا کي بهترين اداڪارا جي ايوارڊ سان نوازيو ويو.
سونيا حسين فلم جي ٽيم، روس ۾ موجود پاڪستاني سفارتخاني ۽ روسي حڪومت جا به ٿورا مڃيا.
واضح رهي ته فلم ”ديمڪ“ جي جاويد شيخ، ثمينا پيرزادا، بشريٰ انصاري، سونيا حسين، فيصل قريشي، ثمن انصاري ۽ ٻين اداڪاري جا جوهر ڏيکاريا آهن.
