راولپنڊي (ويب ڊيسڪ) بلوچستان جي علائقي زوب ۾ سيڪيورٽي فورسز ڪارروائي ڪندي 15 دهشتگردن کي ماري ڇڏيو.
آءِ ايس پي آر موجب 10 ڊسمبر تي سيڪيورٽي فورسز زوب ضلعي جي علائقي سمبازا ۾ انٽيليجنس بيسڊ آپريشن ڪيو.
آپريشن دوران فائرنگ جي ڏي وٺ ۾ 15 دهشتگردن کي ماريو يوو، سندن قبضي مان وڏي مقدار ۾ هٿيار، گولا، بارود ۽ ڌماڪيدار مواد برآمد ٿيو.
آءِ ايس پي آر ٻڌايو ته فائرنگ جي ڏي وٺ ۾ مانسهرا سان واسطو رکندڙ 32 ورهين جو سپاهي عارف الرحمان شهيد ٿي ويو.
