چارسدا (ويب ڊيسڪ) جي يو آءِ سربراهه مولانا فضل الرحمان چيو آهي ته مدرسن بابت بل تي اسان کي حڪومت جي ڪا تجويز قبول ناهي.
چارسدا ۾ پريس ڪانفرنس ڪندي مولانا فضل الرحمان چيو ته بل تي نواز شريف، آصف زرداري، سينيٽ ۽ قومي اسيمبلي سڀ متفق ٿي ويا هئا، بل سينيٽ ۾ پيش ٿيو، اسيمبلي بل پاس ڪيو پر صدر صحيحون نه ڪيون.
هن چيو ته عالمن کي مقابلي ۾ آندو پيو وڃي، عالمن کي ورهائڻ جي سازش ڪئي پئي وڃي، حڪومت ان معاملي کي سياسي نه بڻائي، اسان قانون جي ڳالهه ڪري رهيا آهيون.
