اسلام آباد (ويب ڊيسڪ) سرڪاري آفيسر بڻجڻ جي خواهشمند تعليم يافتا نوجوانن لاءِ سٺي خبر اچي وئي، فيڊرل پبلڪ سروس ڪميشن ايئر پورٽ سيڪيورٽي فورس، ڪسٽمز، بچاءَ واري وزارت ۽ اسٽاف ويلفيئر آرگنائيزيشن اسٽيبلشمينٽ ڊويزن ۾ گريڊ 16 کان 18 جي جاين تي ڀرتين جو اعلان ڪري ڇڏيو.
فيڊرل پبلڪ سروس ڪميشن طرفان جاري ڪيل جاين موجب هوابازي وزارت تحت ايئرپورٽ سيڪيورٽي فورس ۾ گريڊ 16 جي انسپيڪٽر جون جايون، روينيو ڊويزن، ايف بي آر تحت انسپيڪٽر ڪسٽمز/انٽيليجنس آفيسر جون گريڊ 16 جون جايون، بچاءَ واري وزارت تحت سويلين اسٽور آفيسرز، ڪورپس آف اي ايم اي جون گريڊ 17 جون جايون، اسٽيبلشمينٽ ڊويزن تحت اسٽاف ويلفيئر آرگنائيزيشن ۾ گريڊ 17 جون اسٽاف ويلفيئر آفيسر، انسٽرڪٽر (انگريزي) ۽ گريڊ 18 جي ڊپٽي ڊائريڪٽر جي سميت ٻين جاين تي ڀرتي لاءِ اشتهار ڏنو ويو آهي.
فيڊرل پبلڪ سروس ڪميشن طرفان دلچسپي رکندڙ اميدوارن کي ايندڙ مهيني 16 ڊسمبر تائين رابطو ڪرڻ جي هدايت ڪئي وئي آهي.
