اسلام آباد (ويب ڊيسڪ) مهانگائي جي ماريل شهرين لاءِ بري خبر سامهون اچي وئي، اڄ رات کان پيٽروليم شين جي اگهن ۾ وڏي واڌ جو امڪان آهي.
ذريعن موجب پيٽرول جو اگهه 3 رپيا 15 پئسا في ليٽر وڌي سگهي ٿو، جڏهن ته هاءِ اسپيڊ ڊيزل جي قيمت ۾ 3 رپيا 20 پئسا ۽ گاسليٽ جي قيمت ۾ 4 رپيا في ليٽر تائين واڌ جو امڪان آهي.
امڪاني ايڊجسٽمينٽ جو سبب عالمي سطح تي تيل اگهن ۾ لاها چاڙها آهن، جنهن درآمدي لاڳت کي متاثر ڪيو آهي.
پيٽروليم وزارت ان حوالي سان ورڪنگ پيپر تيار ڪري رهي آهي، جنهن کي ناڻي واري وزارت ڏانهن موڪليو ويندو ۽ ناڻي وارو وزير وزيراعظم سان مشاورت کانپوءِ نون اگهن جو اعلان ڪندو.
