واشنگٽن (ويب ڊيسڪ) آمريڪي بچاءَ واري وزير ايران تي حملن کانپوءِ اسرائيلي هم منصب سان رابطو ڪري اسرائيل جي سلامتي لاءِ گڏ بيهڻ جو اعلان ڪيو آهي.
ڳالهين دوران آمريڪي ۽ اسرائيلي دفاع وارن وزيرن ايران تي حملي بابت تفصيلي غور ويچار ڪيو.
وائيٽ هائوس جي قومي سلامتي ڪائونسل جي ترجمان شان سويٽ جو چوڻ هو ته اسرائيل پنهنجي دفاع ۾ پهرين آڪٽوبر تي ايران طرفان ڪيل حملن جو جواب ڏيندي ايراني فوجي هدفن کي نشانو بڻايو آهي.
واشنگٽن طرفان جاري ڪيل بيان ۾ چيو ويو ته کين اسرائيلي حملن بابت اڳ ئي آگاهه ڪيو ويو هو پر ان ۾ آمريڪا ملوث ناهي.
بائيڊن انتظاميا جي عملدارن موجب حملن جي جواب ۾ جيڪڏهن ايران رد عمل ڏنو ته خطرناڪ نتيجا هوندا، آمريڪا مخصوص هدفن کان آگاهه آهي.
