اسلام آباد (ويب ڊيسڪ) تحريڪ انصاف اڳواڻ شبلي فراز چيو آهي ته پي ٽي آءِ باني جيڪڏهن جيل ۾ آهي ته هو پاڪستان خاطر آهي، هو سمجهي ٿو ته اها سندس قوم جي مستقبل جي جنگ آهي.
اسلام آباد ۾ خيبر پختونخواهه هائوس ٻاهران صحافين سان ڳالهائيندي شبلي فراز چيو ته پي ٽي آءِ باني 9 مهينن کان جيل ۾ آهي، ان جي سزائن بابت ڳالهه ٻولهه ٿي، قيد عورتن جا ڪيس به اڳتي نه پيا وڌن، وڌيڪ ڪيس ٺاهيا پيا وڃن، اجلاس ۾ پي ٽي آءِ باني جي آزادي لاءِ جدوجهد وڌيڪ تيز ڪرڻ تي زور ڏنو ويو.
