اڳوڻي صدر آصف علي زرداري نيب ۾ بيان قلمبند ڪرائي ڇڏيو

اسلام آباد ( ويب ڊيسڪ ) اڳوڻي صدر آصف علي زرداري 8 ارب رپين جي شڪي ٽرانزيڪشن ۽ اوپل 225 ۾ هڪ ارب رپيه رشوت وٺڻ جي الزام تي نيب سامهون پيش ٿي بيان قلمبند ڪرائي ڇڏيو. جعلي اڪائونٽس ڪيس ۾ اڳوڻي صدر آصف علي زرداري ٻن انڪوائرين ۾ طلبي تي نيب اولڊ هيد ڪوارٽر پهچي ويو ۽ آصف زرداري کي شڪي ٽرانزيڪشن ۽ اوپل 225 انڪوائريز ۾ طلب ڪيو ويو آهي.  اڳوڻي صدر آصف زرداري کان 8 ارب رپين جي شڪي ٽرانزيڪشن ۽ زرداري گروپ تي اوپل ٽو ٽو فائيو گڏيل منصوبي ۾ هڪ ارب رپيه رشوت وٺڻ تي ڏيڍ ڪلاڪ تائين جاچ ڪئي وئي. اڳوڻو صدر آصف زرداري پنهنجو بيان قلمبند ڪرڻ کانپوءِ واپس روانو ٿي ويو.