جي ايف 17 ٿنڊر نئين ريڊار سان مارچ 2020ع تائين آپريشن ٿيندو: ايئر چيف

اسلام آباد ( ويب ڊيسڪ ) هوائي فوج جي سربراهه ايئر چيف مجاهد انور خان چيو  آهي ته جديد ترين ويڙهاڪ جهاز جي ايف 17 ٿنڊر بلاڪ ٽي جي تياري هلندڙ سال شروع ٿيندي، جڏهن ته هوائي فوج ۾ وڌيڪ ٽي جي ايف 17 ٿنڊر بلاڪ ٻه جهاز جون ۾ شامل ٿي ويندا. پرڏيهي مئگزين کي انٽرويو ڏيندي ايئر چيف مارشل مجاهد انور خان چيو ته جديد ترين ويڙهاڪ جهاز جي ايف 17 ٿنڊر بلاڪ ٽي جي تياري هلندڙ سال شروع ٿيندي، اهڙو ريڊار تيار ڪندڙ ٻن چيني ڪمپنين مان هڪ جي چونڊ جلد ڪئي ويندي ۽ اميد آهي ته جي ايف 17 ٿنڊر بلاڪ 3، نئين ريڊار سان مارچ 2020ع تائين آپريشنل ٿي ويندو.  هن چيو ته هوائي فوج ۾ وڌيڪ 3 جي ايف 17 ٿنڊر بلاڪ 2 جهاز جون ۾ شامل ٿي ويندا، جي ايف 17 ٿنڊر جي شموليت سان بلاڪ ٽو جهازن جي کيپ مڪمل ٿي ويندي.  سندس چوڻ هو ته تربيتي معاملن لاءِ ٻن سيٽن وارو جي ايف 17 ٿنڊر بي به شامل ڪيو پيو وڃي، جي ايف 17 ٿنڊر بلاڪ ٽو جهاز مقامي سطح تي تيار ڪيل آهي.