اداڪار ڪمل هاسن تي هندوانتهاپسندن جو حملو

نئين دهلي (ويب ڊيسڪ) ڀارتي اداڪار ڪمل هاسن به هندوانتهاپسندن جي نشاني تي اچي ويو، تامل ناڊو ۾ بي جي پي ڪارڪنن ڪمل هاسن کي چپل هڻي ڪڍي.

روشن خيال  اداڪار ڪمل هاسن مٿان  هندوانتهاپسندن تي تنقيد جي ڏوهه ۾ بي جي پي ڪارڪنن سندس تي چپل سان حملو ڪيو.

پرڏيهي ميڊيا رپورٽن موجب ڪمل هاسن رياست تامل ناڊو ۾ چونڊ ريلي سان خطاب ڪري رهيو هو ته اوچتو ڀارتيا جنتا پارٽي جي دهشتگردن اداڪار کي چپل جو نشانو بڻايو.

هندو انتهاپسند ڪمل هاسن جي بيان تي مڇريل هئا جنهن ۾ هن ڀارت جو پهريون دهشتگرد هڪ هندو کي قرار ڏنو هو.

ڪامل هاسن چيو هو ته مهاتما گانڌي کي قتل ڪندڙ شخص هڪ هندو هو ۽ اهو سڀ ان ڪري نٿو چوان جو هڪ مسلمان علائقي ۾ مهم هلائي رهيو آهيان، پر اها تاريخي حقيقت آهي، اهو گانڌيءَ جو نظريو آهي.

You might also like