شهباز شريف کي نٿا ڇڏي سگهون، آصف علي زرداري جو پي ٽي آءِ کي سڌو چئلينج

ڪراچي (ويب ڊيسڪ) پاڪستان پيپلزپارٽي جي شريڪ چيئرمين ۽ اڳوڻي صدر آصف علي زرداري چيو آهي ته وٽس نه رڳو پنجاب اسيمبلي کي بچائڻ لاءِ ميمبرن جو جهجهو انگ آهي پر هو خيبرپختونخوا اسيمبلي ۾ به ڪو جادو هلائي سگهي ٿو.

نجي ٽي وي کي انٽرويو ڏيندي کانئس سوال ڪيو ويو ته ڇا پنجاب ۾ بي اعتمادي آڻڻ ممڪن آهي؟ هن چيو ته اسان خيبرپختونخوا ۾ به بي اعتمادي آڻينداسين، ٿورڙا دوست گمراهه آهن، کين واپس آڻڻو آهي.

اڳوڻي صدر چيو ته چوڌري پرويز الاهي اسان جي چونڊ نه هوندو، اسان وٽ ٻيا به آپشن آهن.

ملڪ ۾ وقت کان اڳ چونڊن جي حوالي سان هن چيو ته وقت کان اڳ چوندون اسان جي يا جمهوريت لاءِ مناسب ناهن.

جيڪڏهن پي ٽي آءِ اسيمبليون ٽوڙڻ ۾ ڪامياب ٿئي ٿي ته ڇا ٿيندو واري سوال جي جواب ۾ سندس چوڻ هو ته پوءِ اسان اسيمبلين ۾ ٻيهر اليڪشن ڪرائينداسين، اسان ڏسون ٿا ته هو (عمران خان) ڪيترا ايم پي اي واپس اسيمبلي ۾ آڻي ٿو.

اڳوڻي وزيراعظم ۽ پي ٽي آءِ چيئرمين عمران خان بابت هن چيو ته عمران خان جي سوچ سياسي ناهي، هو جيڪو ڪرڻ وڃي رهيو هو کيس روڪيو ويو، هو غلط فيصلا ڪري ها ته قوم کي ڏکيائي ٿئي ها.

ڪجهه اهڙيون شيون آهن جن تي ڳالهائڻ نٿو چاهيان، ڪجهه شيون نه ٻڌائڻ ئي بهتر آهي.

نئين آرمي چيف جي حوالي سان هن چيو ته مان کيس نٿو سڃاڻان، هو سڀني کان سينيئر هو، ان لاءِ آرمي چيف بڻجي ويو.

اڳوڻي آرمي چيف جنرل ريٽائرڊ قمر جاويد باجوا جي حوالي سان اڳوڻي صدر چيو ته هن مون سان ايڪسٽينشن لاءِ رابطو نه ڪيو.

اڳوڻي صدر باجوا ڊاڪٽرائن جي ڪجهه شين کي خراب ۽ ڪجهه کي ٺيڪ قرار ڏنو.

هن چيو ته ڪڏهن هن (جنرل ريٽائرڊ قمر جاويد باجوا) ان حوالي سان اسان سان ڳالهه نه ڪئي.

You might also like

Leave A Reply

Your email address will not be published.