فيروز ۽ عليزي ۾ وڇوٽيون، اداڪار جو موقف اچي ويو

لاهور(ويب ڊيسڪ) ناليواري پاڪستاني اداڪار فيروز خان ۽ سندس گهرواري عليزي ۾ ڌار ٿيڻ واريون خبرون هڪ ڀيرو ٻيهر سوشل ميڊيا تي وائرل ٿي ويون آهن.

سوشل ميڊيا ۽ مختلف پليٽ فارمز تي هن وقت اهي خبرون گردش ڪري رهيون آهن ته شوبز انڊسٽري جي ناليواري جوڙي فيروز ۽ عليزي هڪ ٻئي جون راهون الڳ ڪري ڇڏيون آهن. جڏهن ته اداڪار فيروز خان ٻارن سان ملڻ جي لاءِ عدالت ۾ درخواست به داخل ڪري ڇڏي آهي.

خبرن جي حوالي سان عليزي هاڻي فيروز کان  الڳ رهڻ چاهي ٿي.

ٻئي پاسي فيروز ۽ عليزي انسٽاگرام تي هڪٻئي کي ان فالو ڪري ڇڏيو آهي ۽ ٻنهي پنهنجي سوشل ميڊيا اڪائونٽن تان هڪٻئي جون وڊيوز ۽ تصويرون به هٽائي ڇڏيون آهن.

تنهن هوندي به هن وقت تائين ٻنهي طرفان اهڙي حوالي سان ڦهليل خبرن جي تصديق يا ترديد ناهي ڪئي وئي.

خانگي ٽي وي جي رابطو ڪرڻ تي اداڪار فيروز خان ٻڌايو ته في الحال مان ان معاملي جي تصديق يا ترديد نٿو ڪري سگهان.

ياد رهي ته فيروز ۽ عليزي ٻه هزار ارڙهن ۾ شادي ڪئي هئي، ٻنهي کي ٻن ٻارن هڪ پُٽ ۽ هڪ ڌيءَ جي اولاد آهي.

You might also like

Leave A Reply

Your email address will not be published.