ٻوڏ متاثرن مان سهپ ختم ٿي وئي آهي، حڪومت به صبر ڇڏيو ته ڏُکيائيون ٿينديون: وڏو وزير

حيدرآباد ( ويب ڊيسڪ) سنڌ جي وڏي وزير مراد علي شاهه چيو آهي ته صوبي ۾ ٻوڏ دوران ڏيڍ ڪروڙ ماڻهو بي گهر ٿيا آهن، ٻوڏ متاثرن لاءِ 15 لک خيما گهرجن، راشن لاءِ به سڀني سان رابطا ڪري رهيا آهيون.

حيدرآباد ۾ اجلاس بعد وڏي وزير مراد علي شاهه چيو آهي ته حڪومت کان مطالبا ۽ شڪايت ڪرڻ ٻوڏ متاثرن جو حق آهي، ٻوڏ متاثرن ۾ صبر ۽ سهپ ختم ٿي وئي آهي.

وڏي وزير چيو ته سنڌ ۾ تمام گهڻو پاڻي آهي، اهو پاڻي تربيلا يا ڀاشا ڊيم ۾ ڪيئن وجهان؟ ڇا سنڌ ۾ ايڏا وڏا ڊيم ٺاهڻ جي جڳهه آهي؟

هن چيو ته  حڪومت به صبر ڇڏيو ته ڏُکيائيون وڌي وينديون، سنڌ جي زمين تي 120 ايم اي ايف پاڻي آيو آهي، ماهرن تجويز ڏني ته پاڻي کي گهُمايو، ٻڌايو وڃي ته پاڻي کي ڪيئن گُهمائي سگهجي ٿو.

You might also like

Leave A Reply

Your email address will not be published.