ڪانگريس اڳواڻ پريانڪا ۽ راهول گانڌي گرفتار

نئين دهلي (ويب ڊيسڪ) ڀارت ۾ حڪومت مخالف احتجاج دوران ڪانگريس اڳواڻن راهول گانڌي ۽ پريانڪا گانڌي کي گرفتار ڪيو ويو.

ڀارتي سڌ سماءَ وارن ادارن موجب ڀارت ۾ مودي حڪومت جي پاليسين ۽ مهانگائي خلاف اپوزيشن پارٽي ڪانگريس جي احتجاجي مظاهري تي پوليس اهلڪارن فائرنگ ڪئي.

پوليس راهول ۽ پريانڪا گانڌي سميت ٻين اڳواڻن کي پڻ حراست ۾ ورتو.

سوشل ميڊيا ويب سائيٽس تي گردش ڪندڙ وڊيوز ۾، پريانڪا گانڌي کي عورت اهلڪار ڪار کڻي وڃي رهيا آهن.

مقامي ميڊيا موجب راهول گانڌي پارليامينٽ هائوس ۽ پارٽي اڳواڻن سان گڏ حڪومتي پاليسين خاص طور تي وڌندڙ مهانگائي خلاف پارليامينٽ هائوس کان صدر هائوس (راشٽرپتي ڀون) تائين احتجاج جي اڳواڻي ڪري رهيو هو، جتي پوليس کيس روڪڻ جي ڪوشش ڪئي.

پوليس جي مداخلت دوران ڪانگريسي اڳواڻن اڳتي وڌڻ جي ڪوشش ڪئي ۽ ان دوران پوليس مظاهرين تي لٺبازي شروع ڪري ڇڏي.

چڪرين دوران پوليس ڪانگريس قيادت ۽ ٻين اڳواڻن کي حراست ۾ وٺي ڇڏيو.

ان کان اڳ احتجاج دوران ميڊيا سان ڳالهائيندي راهول گانڌي چيو ته ڀارت ۾ جمهوريت مري چڪي آهي، جيڪو 70 سالن ۾ ٺاهيو ويو اهو 8 سالن ۾ ختم ٿي ويو.

راهول گانڌي چيو ته اسان ايوان ۾ وڌندڙ مهانگائي، بيروزگاري، سماج کي ورهائڻ جي ڪوشش ۽ ٻين خراب پاليسين تي بحث ڪرڻ چاهيون ٿا پر سچ ڳالهائڻ تي گرفتار ڪيو وڃي ٿو.

واضح رهي ته مخالف ڌر جي پارٽين جي احتجاج کي نظر ۾ رکندي راڄڌاني ۾ قلم 144 لاڳو آهي، جڏهن ته ڪانگريس طرفان پابندي باوجود احتجاج شروع ڪيو ويو هو.

You might also like

Leave A Reply

Your email address will not be published.