حيدرآباد ۾ مغوي نوجوان جي بازيابي لاءِ وارثن جو احتجاجي مظاهرو

ڪوٽڙي مان ڪجهه ڏينهن اڳ اڻڄاتل ماڻهن هٿان اغوا ٿي ويل مسرور کوسو جي امڙ بدرالنساءَ، مهتاب، منير کوسو ۽ ٻين پريس ڪلب آڏو احتجاجي مظاهرو ڪيو.

ان موقعي تي مغوي نوجوان جي امڙ ميڊيا آڏو روئيندي ٻڌايو ته سندس پٽ مسرور پورهيت ۽ بيگناهه آهي، ڪجهه ڏينهن اڳ کيس ويگو سوار اڻڄاتل ماڻهو اغوا ڪري ويا آهن.

نوجوان جي وارثن آءِ جي سنڌ، ڊي آءِ جي حيدرآباد ۽ ٻين وس وارن کان مطالبو ڪندي چيو ته مسرور کوسو بابت پوليس به تعاون نه ٿي ڪري، کيس فوري طور بازياب ڪرائي پريشاني ختم ڪئي وڃي.

You might also like

Leave A Reply

Your email address will not be published.