”عوام عمران خان جو ڏڦيڙ جو سڏ وري رد ڪري ڇڏيو“

 

اسلام آباد (ويب ڊيسڪ) پ پ اڳواڻ شيري رحمان اڳوڻي وزيراعظم عمران خان جي احتجاج جي سڏ تي ردعمل ڏيندي چيو آهي ته گذريل ڏينهن ماڻهن عمران خان جي ڏڦيڙ جي سڏ کي وري رد ڪري ڇڏيو.

ٽوئيٽر تي جاري ڪيل بيان ۾ شيري رحمان چيو ته ماڻهن جو گهٽ انگ ڏسي عمران خان احتجاج جو سڏ واپس وٺي ڇڏيندو آهي.

هن چيو جڏهن ماڻهو عالمي سازش جو بيانيو رد ڪن ته کيس مهانگائي ياد اچي ويندي آهي، جنهن مهانگائي خلاف عمران خان احتجاج ڪري رهيو آهي ان جو ذميوار به پاڻ آهي.

سندس موجب عمران خان حڪومت ۾ چيو هو ته پٽاٽي ۽ ٽماٽي جا اگهه ٺيڪ ڪرڻ ناهيان آيو، ماڻهن کي هاڻ پي ٽي آءِ جي بيانيي ۽ ڏڦيڙ جي سياست ۾ دلچپسي ناهي رهي.

You might also like

Leave A Reply

Your email address will not be published.