ضلعي بار جي سڏ تي وڪيلن جو بائيڪاٽ ڪري هڙتال

ڪنري(ت ر) ھڪ ڏينھن اڳ سول جج اينڊ جوڊيشل مئجسٽريٽ ٽو زاھد حسين مغيري سان ڪنري ٿاڻي ڀرسان ٻن پوليس اھلڪارن پاران چيڪنگ بھاني بداخلاقي ۽ بدتميزي ڪندي ٿاڻي ۾ وٺي وڃڻ واري  واقعي خلاف ضلعي بار ايسوسي ايشن جي سڏ تي ضلعي جي چئني تعلقن ڪنري، سامارو، پٿورو ۽ عمرڪوٽ جي ڪورٽن ۾ وڪيلن عدالتي ڪاروائين جو بائيڪاٽ ڪندي ھڙتال ڪئي. وڪيلن جي عدالتي بائيڪاٽ سبب ضلعي جي سمورن ڪورٽن ۾ مختلف ڪيس ۽ ٻڌڻيون نه ٿي سگھيون. وڪيل اڳواڻن محمد رحيم خاصخيلي، خدا بخش پنھور، ريحان آرائين، اسلم نفيس ۽ ٻين صحافين سان ڳالھائيندي ٻڌايو ته سول جج ڪنري سان پوليس اھلڪارن پاران چيڪنگ بھاني روڪي ساڻس بدتميزي ڪرڻ جي سخت لفظن ۾ مذمت ڪريون ٿا، پوليس اھلڪار مئجسٽريٽ سان اھڙو ناروا سلوڪ ڪن ٿا ته عوام جي ڪھڙي جان ۽ مال جا محافظ ٿيندا، ھنن چيف جسٽس آف پاڪستان، سنڌ ھائي ڪورٽ ۽ ٻين کان گھر ڪئي ته معاملي جو سختي سان نوٽيس وٺي جانچ ڪرائي اھلڪارن خلاف سخت ڪاروائي ڪئي وڃي، ھوڏانھن سول جج سان بدتميزي ڪيس ۾ گرفتار ٻن پوليس اھلڪارن ميان بخش چانڊيو ۽ خالد جٽ کي اڄ رمانڊ پورو ٿيڻ تي ٻيھر عدالت ۾ پيش ڪيو ويندو. ٻئي پاسي سڄاڻ ڌرين پاران سول جج سان بدتميزي واقعي جي مذمت ڪئي وئي آھي.

 

You might also like

Leave A Reply

Your email address will not be published.