مهانگائي ۽ بيروزگاري وڌيڪ وڌندي، حڪومت کي آءِ ايم ايف وٽان رليف نه ملندو : شوڪت ترين

اسلام آباد ( ويب ڊيسڪ) اڳوڻي ناڻي واري وزير  شوڪت ترين چيو آهي ته نئين حڪومت پيٽرول وڌيڪ مهانگو ڪندي، بيروزگاري وڌندي ۽ کين آءِ ايم ايف کان ڪو رليف نه ملندو.

اسلام آباد ۾ پريس ڪانفرنس ڪندي شوڪت ترين چيو ته ڪالهه مفتاح اسماعيل هڪ ڪنفيوز بجيٽ پيش ڪئي، هن حڪومت کي مخاطب ڪندي چيو ته اوهان ڪنهن کي بيوقوف بڻائي رهيا آهيو؟ حڪومت خساري جي بجيٽ پيش ڪئي آهي جڏهن ته اسان 30 ورهين ۾ سڀ کان وڌيڪ جي ڊي پي گروٿ وڌائي.

شوڪت ترين چيو ته مهانگائي 24 سيڪڙو تائين ٿي چڪي آهي ۽ بيروزگاري به وڌندي، اسان جو خيال آهي ته بيروزگاري جو ريشو 25 کا 30 سيڪڙو تائين ويندو، جڏهن ته پيٽروليم ليوي وڌائڻ سان پيٽرول 35 رپيا في ليٽر وڌيڪ مهانگو ٿيندو، مهانگائي وڌيڪ هوندي ته ڪاروبار ڪيئن وڌندو؟

پي ٽي آءِ اڳواڻ دعويٰ ڪندي چيوته اسان تاريخ جو سڀ کان وڌيڪ ريونيو گڏ ڪيو، اسان جي گروٿ 6 سيڪڙو رهي، جڏهن ته هي 5 سيڪڙو گروٿ جي ڳالهه ڪري رهيا آهن، اسان سڀ کان وڌيڪ 5.5 ملين ماڻهن کي روزگار ڏنو، اسان جي دور ۾ ايگريڪلچر ۾ 4.4 سيڪڙو گروٿ هئي، اسان سڀ کان وڌيڪ روزگار جا موقعا پيدا ڪياسين.

اڳوڻي ناڻي واري وزير چيو ته بجيٽ خسارو 4.2 ٽريلين رپيا آهي، اڪنامڪ سروي پڙهي وٺو اوهان ڪنهن کي بيوقوف بڻائي رهيا آهيو؟  بئنڪن تي ٽيڪس 12، 12 سيڪڙو وڌايا ويا آهن، اسان جي خيال ۾ انڪم ٽيڪس به وڌائڻ گهرجي ها، هاڻي هي فڪسڊ انڪم ٽيڪس کڻي ايندا،  انڪم ٽيڪس جي مد ۾ 43 ملين جي ڊيٽا اسان ڇڏي ويا هئاسين.

هن چيو ته لڳي ٿوته هنن کي آءِ ايم ايف کان رليف نه ملندو.

شوڪت ترين چيو ته 2 ڪروڙ فردن جي غربت جي لڪير کان هيٺ وڃڻ جو خدشو آهي، حڪومت غريبن لاءِ شروع ڪيل اسان جا پروگرام به بند ڪري ڇڏيا، هي نيب ۽ چونڊن جي قانونن ۾ ترميم ڪرائڻ آيا هئا، لڳي ٿو ته اڳتي آءِ ايم ايف کين ايندڙ نه ڏيندو.

پريس ڪانفرنس کي خطاب ڪندي اڳوڻي وفاقي وزير عمر ايوب چيو ته بجلي جا اگهه اسان 16 رپيا في يونٽ ڇڏي ويا هئاسين، خدشو آهي ته هاڻي بجلي 39 رپيا في يونٽ تائين ويندي، موجودا حڪومتي دور ۾ بجلي مهانگي ٿيندي، مٿان وري لوڊشيڊنگ به وڌي وئي آهي، گئس جي بلن ۾ 400 سيڪڙو اضافو ٿيڻ وارو آهي، هن چيو ته گرمين ۾ ڪڏهن به گئس جي لوڊشيڊنگ نه ڏٺي آهي نه ٻڌي آهي

You might also like

Leave A Reply

Your email address will not be published.