پرڏيهي کاتي سلامتي ڪائونسل ۾ ڀارت جي مستقل رڪنيت جي حمايت جا افواهه رد ڪري ڇڏيا

 

اسلام آباد (ويب ڊيسڪ) پرڏيهي کاتي ڀارت جي سلامتي ڪائونسل ۾ مستقل رڪنيت جي حوالي سان پاڪستان جي حمايت جا افواهه رد ڪري ڇڏيا.

پرڏيهي کاتي جي ترجمان موجب پرڏيهي وزير سان هڪ مڪمل بي بنياد ۽ خيالي ڳالهه جوڙي پئي وڃي، پرڏيهي وزير ۽ آمريڪي اسٽيٽ سيڪريٽري وچ ۾ ڀارت جي رڪنيت جي حوالي سان ڳالهه ڳالهه نه ٿي.

هن چيو ته پاڪستان جو سلامتي ڪائونسل جي مستقل ميمبرن جي انگ ۾ واڌ جي ڀرپور مخالفت تي واضح موقف آهي، ان حوالي سان پاليسي ۾ ڪا تبديلي ناهي آئي.

پرڏيهي کاتي جي ترجمان چيو ته پاڪستان اهڙي سلامتي ڪائونسل جو خواهشمند آهي، جيڪا ڪجهه بدران اڪثريتي رياستن جي مفادن جو تحفظ ڪري.

You might also like

Leave A Reply

Your email address will not be published.