مڪاني چونڊن تي اعتراض،متحده کي جواب جمع ڪرائڻ جو حڪم

ڪراچي (رپورٽر) سنڌ هاءِ ڪورٽ ۾ بااختيار لوڪل گورنمينٽ  جي حوالي سان ايم ڪيو ايم جي خالد مقبول صديقي جي درخواست تي سنڌ حڪومت سليڪٽ ڪميٽي جا منٽس جمع ڪرائي ڇڏيا. جسٽس جنيد غفار ۽ جسٽس امجد علي سهتو تي ٻڌل ٻه رڪني بئنچ  آڏو جواب ۾ چيو ويو ته سنڌ حڪومت مڪاني چونڊن کي ملتوي ڪرڻ جي تجويز ڏني آهي، سنڌ حڪومت جو چوڻ آهي ته عدالتي فيصلي جي روشني ۾ قانون سازي لاءِ سيلڪٽ ڪميٽي جو اجلاس جاري آهي، ايم ڪيو ايم سميت ٻين پارٽين کي مڪاني چونڊن تي اعتراض آهي، ڪميٽي کي حتمي نتيجي تي پهچڻ ۾ مهلت گهرجي، جيڪڏهن  چونڊون وقت تي ٿينديون ته قانون سازي نه ٿي سگهندي، سموريون سياسي جماعتون سليڪٽ ڪميٽي جي اجلاس ۾ بحث ڪري رهيون آهن. عدالت سنڌ حڪومت تي جواب تي ايم ڪيو ايم جي وڪيل کي 20 جون تائين جواب جمع ڪرائڻ جي هدايت ڪري ڇڏي.

 

You might also like

Leave A Reply

Your email address will not be published.