لاڙڪاڻي پوليس جون ڪارروايون، چوري ٿيل سامان هٿ

لاڙڪاڻو(ڊ ر) لاڙڪاڻو پوليس مختلف علائقن ۾ ڏوهارين خلاف ڪاروائيون ڪندي 11 جوابدارن کي گرفتار ڪري سندن وٽان منشيات، چوري ڪيل موٽرسائيڪل، چنگچي رڪشه، موبائيل فون ۽ روڪ رقم هٿ ڪرڻ جي دعويٰ ڪئي آهي. ان سلسلي ۾ ڳڙهي خدابخش ڀٽو پوليس منشيات فروش احسان مگسي کي هيروئن سميت، ايئرپورٽ پوليس منشيات فروشي جي ڪيس ۾ روپوش جوابدار حبدار عرف حبو ڪوري کي ۽ وليد پوليس شهري محمد خان لغاري جي چنگچي رڪشه ۾ ملوث جوابدار آصف گوپانگ کي چنگچي رڪشه سميت گرفتار ڪري ورتو آهي. ٻئي پاسي وليد پوليس نيو اناج منڊي ۾ جوا جي اڏي تي ڇاپو 8 جوارين کي گرفتار ڪري سندن وٽان موبائل فونون ۽ روڪ رقم هٿ ڪري سندن مٿان گناهه نمبر 2022/79 قلم 5 جوا ايڪٽ تحت ڪيس داخل ڪري ڇڏيو جڏهن ته باڊهه پوليس شهري قربان علي ڀنڊ کان ڦر ڪيل موٽرسائيڪل هٿ ڪري اصل مالڪ حوالي ڪري ڇڏي آهي

 

You might also like

Leave A Reply

Your email address will not be published.