فيفا ورلڊ ڪپ ۾ هن ڀيري به پاڪستان جو تيار ڪيل فٽبال استعمال ٿيندو

 

سيالڪوٽ (ويب ڊيسڪ) فيفا ورلڊ ڪپ 2022 لاءِ آفيشل فٽبال تيار ڪرڻ جو اعزاز پاڪستان ماڻي ورتو آهي.

واضح رهي ته ان کان اڳ به فيفا ورلڊ ڪپ ۾ استعمال ٿيندڙ فٽبال سيالڪوٽ ۾ ئي تيار ڪيو ويو.

فيفا ورلڊ ڪپ 2022 ۾ استعمال ٿيندڙ فٽبال ”الريهلا“ سيالڪوٽ جي هڪ فيڪٽري ۾ تيار ڪيو ويو آهي، جديد ٽيڪنالاجي ذريعي اهو فٽبال وڏي مهارت سان تيار ڪيو ويو آهي.

فيڪٽري جي سي اي او خواجا مسعود اختر موجب ورلڊ ڪپ ۾ استعمال ٿيندڙ فٽبال آٽو ميٽڪ مشينن ۽ جديد ”ٿرمو بانڊڊ“ ٽيڪنالاجي ذريعي ٺاهيو ويو آهي، ان فٽبال ۾ سڀ کان خاص ڳالهه اها آهي ته ان ۾ گهڻي ڀاڱي استعمال ٿيندڙ مٽيريل ريسائيڪلڊ آهي ۽ اهو مٽيريل ماحول دوست به آهي.

هن ٻڌايو ته ريسائيڪلڊ مٽيريل اڄڪلهه جي ماحولياتي تبديلين کي نظر ۾ رکندي استعمال ڪيو ويو آهي، جڏهن ته اريهلا فٽبال 20 پينلز تي ٻڌل آهي ۽ جڏهن اهو فٽبال استعمال ٿيندو ته ان مان نڪرندڙ گيسز انساني صحت لاءِ نقصانڪار نه هونديون.

You might also like

Leave A Reply

Your email address will not be published.