شوبز شخصيتن پاران تحريڪ انصاف جي لانگ مارچ جي حمايت

اڳوڻي وزيراعظم ۽ پي ٽي آءِ چيئرمين طرفان حڪومت خلاف 25 مئي تي اسلام آباد ڏانهن آزادي لانگ مارچ جي اعلان تي ڪيترين ئي شوبز شخصيتن سندس حمايت ڪندي مداحن کي مارچ ۾ شامل ٿيڻ اپيل ڪري ڇڏي.

ڪيئي شوبز شخصيتن پاڻ به لانگ مارچ جو حصو بڻجڻ جو اعلان ڪيو ۽ مداحن کي اپيل ڪندي چيو ته حڪومت خلاف ٿيندڙ مظاهرن ۾ شامل ٿيو ملڪ جي سلامتي لاءِ گهرن کان ٻاهر نڪرو.

اڪارا مريم نفيس 24 مئي تي ئي پنهنجي ويڊيو پيغام ۾ چيو هو ته هوءَ 25 مئي تي سرينگر هاءِ وي تي ٿيندڙ لانگ مارچ جو حصو بڻجندي ۽ ان سان گڏوگڏ پنهنجي مداحن کي به شرڪت ڪرڻ جي اپيل ڪئي هئي.

مريم نفيس پنهنجي پيغام ۾ اهو پڻ چيو هو ته جيڪڏهن هو اسلام آباد جا مقامي رهائشي آهن ته هو گهران ٻين ماڻهن لاءِ ٿڌو پاڻي آڻڻ نه وسارين. جڏهن ته مرد مداحن کي هدايت ڪندي هن چيو ته هو لانگ مارچ ۾ پنهنجي عورتن سان گڏ شرڪت ڪن.

سينيئر اداڪارا ثمينا پيرزادا واضح طور تي پي ٽي آءِ جي لانگ مارچ جي حمايت ڪرڻ کانسواءِ ٽوئيٽ ۾ لکيو ته ” پنهنجن ئي ماڻهن خلاف رنڊڪون، اختلاف راءِ آهي ان کي دشمن سان جنگ جو تاثر ڇو ڏئي رهيا آهن، اسان سڀ پاڪستاني آهيون.

 

پنهنجي هڪ ٻئي ٽوئيٽ ۾ اداڪارا لکيو ته عوام جي سونامي کي هلڪو نه وٺڻ گهرجي، دنيا جي تاريخ ڀري پئي آهي چونڊن جو اعلان ڪريو، الله پاڪستان جي حفاظت ڪري.

اداڪارا وينا ملڪ لانگ مارچ ۾ شرڪت ڪندڙن وٽان هٿيار هٿ اچڻ واري خبر تي طنزيه ٽوئيٽ ڪندي لکيو ته ” آزادي مارچ ۾ شامل ماڻهن وٽان وڏي انگ ۾ هٿيار هٿ، هڪ عورت جي پرس مان ٻه ايف 16 جهاز ۽ هڪ ٻارڙي جي فيڊر مان ايٽم بم هٿ اچڻ جا اطلاع آهن“

راڳي ۽ اداڪار هارون شاهد به لانگ مارچ جي حمايت ڪئي ۽ پنهنجي ٽوئيٽ ۾ ڪراچي ۾ حڪومت مخالف مظاهرن ۾ شرڪت ڪندڙ ماڻهن کي تجويزون پڻ ڏنيون ته هو گرم موسم ۾ ٻارن سان گڏ مارچ ۾ شرڪت نه ڪن، هن مداحن کي مشورا ڏيندي لکيو ته هو مارچ ۾ ايندي وقت پاڻ سان پاڻي، ٽوال ۽ لوڻ آڻڻ نه وسارين ۽ ان احوالي سان به تيار رهن ته مارچ ۾ سندن لاءِ ڳوڙها آڻيندڙ گئس پڻ موجود آهي.

You might also like

Leave A Reply

Your email address will not be published.