ننگرپارڪر ويجهو نينگر خودڪشي ڪري ڇڏي

ننگرپارڪر(رپورٽ:لياقت سمون)ٿر ۾ روزاني بنيادن تي ٿيندڙ خودڪشين جا خوفناڪ اثرات پوڻ شروع ٿي ويا آهن،ننگرپارڪر تعلقي ۾ ٻن  ڏينهن اندر هڪ گهر اندر 2 معصوم ٻارڙن جي آپگهات بعد علائقي ۾ خوف پکڙيل آهي ۽ مختلف ڳوٺن ۾ هفتي اندر خودڪشين جو انگ 5 ٿي ويو آهي،اُنهي سلسلي ۾ ننگرپارڪر لڳ ڳوٺ ساڏورس ۾ ھڪ معصوم نينگر 11ورهين جي سونو پٽ مگهن ڪولهي گھرن کان ٻاهر ڪنڊي جي وڻ ۾ رسو ٻڌي پنهنجي ذندگي جو ڏيئو اُجھائي ڇڏيو آهي،ذريعن کان معلوم ٿيو آهي ته 2 ڏينهن اڳ فوتي نينگر جي سڳي سئوٽ ناري ڏيو ڌيءَ چيتن ڪولهي پُڻ خودڪشي ڪئي ھئي،جيڪا ڳوٺ اوڻ ۾ مال جي واڙي تي رھندڙ هئي، اصل ڳوٺ ساڏورس آهي. اُنھي جي عمر چوڏانھن سال ھئي، ٻن ڏينهن ۾ ٻن معصوم ٻارڙن جي خودڪشين بعد علائقي ۾ خوف پکڙيل آهي، نينگر سونو پٽ مگهن ڪولهي ٻڪريون چارييندو ھو، جنهن جو لاش پوسٽ مارٽم لاءِ اسپتال منتقل ڪيو ويو،جتان ضروري ڪاروائي بعد وارثن حوالي ڪيو ويو.

 

You might also like

Leave A Reply

Your email address will not be published.