نواز شريف پارٽي جو هنگامي اجلاس گھرائي ورتو، شهباز شريف سميت مرڪزي قيادت لنڊن طلب

 

لاهور (ويب ڊيسڪ) مسلم ليگ ن جي سربراهه نواز شريف پارٽي جو هنگامي اجلاس لنڊن ۾ طلب ڪري ورتو.

ذريعن جو چوڻ آهي ته نواز شريف وڊيو لنڪ اجلاس جي تجويز رد ڪري ڇڏي ۽ پارٽي جي مرڪزي قيادت کي لنڊن پهچڻ جي هدايت ڪئي آهي.

ذريعن موجب شاهد خاقان عباسي پهريون ئي لنڊن ۾ موجود آهي، جڏهن ته وزيراعظم شهباز شريف، احسن اقبال ۽ مريم اورنگزيب جو هڪ ٻن ڏينهن ۾ لنڊن رواني ٿيڻ جو امڪان آهي.

ذريعن موجب نواز شريف کي ڪجهه معاملن تي خدشا آهن، ان لاءِ ن ليگ ڪو وڏو فيصلو ڪرڻ وڃي رهي آهي.

ذريعن جو ٻڌائڻ آهي ته پيٽروليم شين جي اگهن تي حڪمت عملي بابت به نواز شريف ۽ اسحاق ڊار سان مشاورت ٿيندي، جڏهن ته ايندڙ چونڊن، پنجاب ۾ ڪابينا ۽ پاور شيئرنگ بابت به اهم فيصلا ڪرڻ جو امڪان آهي.

ذريعن جو چوڻ آهي ته نواز شريف پاران اجلاس طلب ڪرڻ کانپوءِ وزيراعظم شهباز شريف اڄ رات لنڊن روانو ٿيندو.

You might also like

Leave A Reply

Your email address will not be published.