ڊگهڙي ۾ ڀاڻ جو بحران، بليڪ تي وڪري خلاف احتجاج

ڊگھڙي (ت ر)ڊگهڙي ۾ زرعي ڀاڻ جي هٿرادوکوٽ ۽ بليڪ تي مهانگي وڪرو ڪرڻ خلاف پ پ شھيد ڀٽو تعلقي ڊگهڙي طرفان سڪندر لنڊ، محبوب لنڊ، اشتياق راجپوت، شوڪت راجپوت ۽ ٻين جي اڳواڻي ۾ الله آباد ڪالوني کان ريلي ڪڍي وئي جيڪا پريس ڪلب ڊگهڙي پهتي جتي ريلي احتجاجي مظاهرو ڪيو ويو جنهنکي خطاب ڪندي اڳواڻن چيو ته ڊگهڙي شھر ۾ گذريل ڪافي مهينن کان ڊيلر مافيا زرعي ڀاڻ جي هٿرادو کوٽ پيدا ڪري مهانگي اگهھ تي بليڪ تي وڪرو ڪري رهيا آهن هن وقت مارڪيٽ ۾ يوريا جي ٻوري ٽي هزار روپين ۾ وڪرو ڪئي وڃي پئي،هنن چيو ته ڪڻڪ ۽ ٻين جنسن جي پوکي جي ٽائم آبادگارن کي ڀاڻ نه ملڻ ڪري زراعت کي سخت نقصان پهتو آهي، هنن معزز عدالتن،وزير زراعت،ڪمشنر ميرپورخاص ۽ ٻين وسوارن کان مطالبو ڪيو ته بليڪ تي ڀاڻ وڪرو ڪندڙ ڊيلر مافيا خلاف قانوني ڪارروائي ڪري آبادگارن کي ڀاڻ جي فراهمي کي يقيني بڻايو وڃي.

 

You might also like

Leave A Reply

Your email address will not be published.