ڪورونا وائرس وڌيڪ 30 حياتيون کسي ويو، 8 هزارن کان مٿي ماڻهو مرض ۾ وڪوڙجي ويا

اسلام آباد (م ڊ) ملڪ ۾ ڪورون وبا جا ڪيس تيزي سان وڌي رهيا آهن هڪ ڏينهن دوران مثبت ڪيسز جي شرح 11.9 سيڪڙو رڪارڊ ڪئي وئي. ڪورونا وائرس وگهي وڌيڪ 30 مريض حياتيون وڃائي ويٺا آهن جنهن کان پوءِ فوتين جو انگ 29 هزار 192 ٿي ويو، پاڪستان ۾ ڪورونا جي تصديق ٿيل ڪيسز جو انگ 14 لک 2 هزار 70 ٿي ويو. نيشنل ڪمانڊ اينڊ آپريشن سينٽر جي تازن انگن اکرن موجب گذريل 24 ڪلاڪن دوران 8 هزار 183 نوان ڪيسز رپورٽ ٿيا. پنجاب ۾ 4 لک 71 هزار 925، سنڌ ۾ 5 لک 35 هزار 965، خيبرپختونخواهه ۾ هڪ لک 89 هزار 300، بلوچستان ۾ 34 هزار 187، گلگت بلتستان ۾ 10 هزار 590، اسلام آباد ۾ هڪ لک 2 هزار 648، جڏهن ته آزاد ڪشمير ۾ 36 هزار 465 ڪيسز رپورٽ ٿيا. سموري ملڪ ۾ هينئر تائين 2 ڪروڙ 48 لک 22 هزار 901 مريضن جا ٽيسٽ ڪيا ويا. گذريل 24 ڪلاڪن دوران 68 هزار 624 نوان ٽيسٽ ڪيا ويا، هينئر تائين 12 لک 74 هزار 657 مريض صحتياب ٿي چڪا آهن جڏهن ته هڪ هزار 353 مريضن جي حالت ڳڻتي جوڳي آهي.

 

You might also like

Leave A Reply

Your email address will not be published.