جيڪب آباد: ڪرڪيٽ ٽورنامينٽ، الفضل اسپورٽس ٽيم ٽرافي کٽي ورتي

جيڪب آباد ۾ ڪرڪيٽ ٽورنامينٽ جي ٽرافي الفضل اسپورٽس ٽيم پنهنجي نالي ڪري ورتي.

پھرين سٽي ڪرڪيٽ بورڊ جبار گل مينگل پاران شھيد عبدالرحمن بروھي ڪرڪيٽ گرائونڊ تي سپر ڊائمنڊ ۽ الفضل اسپورٽس ٽيمن وچ ۾ ٽورنامينٽ کيڏي وئي.

ٽورنامينٽ جي فائنل ميچ ۾ سپرڊائمنڊ اسپورٽس پھرين بيٽنگ ڪندي 10 اوورن ۾ 68 رنسون ٺاهيو، جنهن جي جواب ۾ الفضل اسپورٽس ٽيم رانديگر توصيف احمد جي ڪوششن سان مليل هدف 7 اوورن ۾ آساني سان حاصل ڪري ميدان ماريو.

ان موقعي تي ٽورنامينٽ جي فائنل ۾ خاص مهمان طور شرڪت ڪندڙ جيڪب آباد ڪرڪيٽ بورڊ جو چيئرمين سرفراز احمد شيخ ۽ سيد فيصل شاھه فاتح ٽيم جي رانديگرن ۾ انعام ورهايا.

You might also like

Leave A Reply

Your email address will not be published.