مهانگائي خلاف لانگ مارچ جو اعلان، ادارا اڻ ڌريا رهن: بلاول

لاهور (م ڊ) پ پ چيئرمين بلاول ڀٽو زرداري حڪومت خلاف اسلام آباد تائين لانگ مارچ جو اعلان ڪندي چيو آهي ته ملڪي مسئلن جو حل رڳو جمهوريت آهي. لاهور ۾ سينٽرل ايگزيڪيوٽو ڪميٽي جي اجلاس کانپوءِ صحافين سان ڳالهائيندي بلاول ڀٽو زرداري چيو ته اڄوڪي ويهڪ ۾ ملڪي صورتحال ۽  حالتن تي خيالن جي ڏي وٺ ڪئي وئي.هن ٻڌايو ته اجلاس ۾ طالبان سان ڳجهين ڳالهين، ملڪ ۾ جاري مهانگائي ۽ اسٽيٽ بئنڪ جي خود مختياري جهڙن قدمن تي ڳڻتيءَ جو اظهار ڪيو ويو. پ پ چيئرمين حڪومت خلاف لانگ مارچ جو اعلان ڪندي چيو ته مارچ جي شروعات 27 فيبروري تي قائداعظم جي مزار کان ٿيندي ۽ اسان جو قافلو اسلام آباد پهچندو. بلاول چيو ته چاهيون ٿا ته سمورا ادارا اڻ ڌريا رهن. اميد ته اسان جي جدوجهد ۾ ڪنهن اداري پاران رنڊڪ پيدا نه ڪئي ويندي. بلاول چيو ته سپريم ڪورٽ پنهنجي مٿان لڳل ذوالفقار ڀٽي جي عدالتي قتل جو داغ ڌوئي. بلاول ڀٽو زرداري جو چوڻ هو ته تحريڪ انصاف 7 سالن تائين پرڏيهي فنڊنگ کي لڪايو ۽ ان پئسي کي جمهوري جماعتن خلاف سازشن ۾ استعمال ڪيو، جيڪو عمل مذمت جوڳو آهي، اليڪشن ڪميشن آف پاڪستان ان معاملي تي پي ٽي آءِ خلاف سخت ايڪشن وٺي. هن چيو ته اسان جي معاشي خود مختياري جو سودو ڪيو پيو وڃي، جنهن کانپوءِ اسٽيٽ بئنڪ آف پاڪستان آءِ ايم ايف کي جواب ڏيندي، ملڪ ۾ تاريخي مهانگائي ۽ بيروزگاري آهي، حڪومت کان ڇوٽڪاري لاءِ صاف ۽ شفاف چونڊون اڻٽر آهن، سي اي سي منشور ۽ اليڪشن ڪميٽي جوڙڻ جو فيصلو ڪيو آهي. 03

 

You might also like

Leave A Reply

Your email address will not be published.