مني بجيٽ جي منظوري لاءِ 10 جنوري تي اسيمبلي اجلاس گهرائڻ جو فيصلو

اسلام آباد(م ڊ) حڪومت 10 جنوري تي قومي اسيمبلي جو اجلاس گهرائڻ جو فيصلو ڪري ورتو آهي. اسلام آباد ۾ صحافين سان ڳالهيون ڪندي وزيراعظم عمران خان جي پارلياماني معاملن واري صلاحڪار بابر اعواڻ چيو ته قومي اسيمبلي جو اجلاس 10 جنوري جي شام 4 وڳي گهرائڻ جي سمري  اماڻي وئي آهي، اجلاس ۾ فنانس ايڪٽ ترميمي بل پيش ڪيو ويندو. جڏهن ته سينيٽ جي فنانس ايڪٽ ترميمي بل تي تجويزن کي غور هيٺ آندو ويندو. بابر اعواڻ چيو ته حڪومت قوم ۽ عام ماڻهو جي بهتري لاءِ قانون سازي جو عمل رڪجڻ نه ڏيندي. اپوزيشن کي دعوت آهي ته هو قانونسازي ۾ عملي طور تي حصو وٺي. ايوان ۾ نعريبازي سان اپوزيشن قانون نٿي ٺاهي سگهي، اسان قانونسازي اپوزيشن جي هنگامي سان رڪجڻ نه ڏينداسين. قانونسازي تي ڳالهين جي لاءِ دروازا کليل آهن.

 

You might also like

Leave A Reply

Your email address will not be published.