حڪومت جو پيٽروليم ڊيلرز جا مطالبا مڃڻ کان انڪار

 

اسلام آباد (ويب ڊيسڪ) پاڪستان پيٽروليم ڊيلرز ايسوسيئيشن طرفان مطالبن جي مڃتا لاءِ سڄي ملڪ ۾ هڙتال ڪئي وئي آهي ۽ پيٽرول نه ملڻ سبب عوام سخت پريشان آهي، جڏهن ته وفاقي حڪومت پيٽروليم ڊيلرز جا مطالبا مڃڻ کان انڪار ڪري ڇڏيو آهي.

توانائي بابت وفاقي وزير حماد اظهر پنهنجي بيان ۾ چيو آهي ته هڙتال جي آڙ ۾ ڪجهه گروپ 9 رپين جي واڌ چاهين ٿا، ڪجهه ڪمپنين کي نوازڻ لاءِ 9 رپين جي واڌ نٿي ڪري سگهجي.

هن چيو ته پيٽرول پمپ مالڪن جي ڏکيائين جو احساس آهي پر اهي عوام جي ڏکيائين جو به احساس ڪن ۽ فيصلي تي نظرثاني ڪن، ڇو ته عوام کي پريشان ڪرڻ صحيح ناهي.

سندس موجب مارجن ۾ واڌ جي سمري اڳ ئي اي سي سي ۾ پيش ڪئي وئي آهي، ايندڙ اجلاس ۾ فيصلو ٿي ويندو پر جائز مطالبا تسليم ڪنداسين.

You might also like

Leave A Reply

Your email address will not be published.