دعا چوڌري جي عورتن سان گڏجي ٿاڻي تي ڪاهه، ٻن ساٿين کي ڇڏائي ويون

لاهور(ويب ڊيسڪ)لاهور ۾ اسٽيج اداڪارا دعا چوڌري ساٿين عورتن سان گڏجي گرين ٽاڻي تي ڪاهه ڪري پنهنجي ٻن ساٿين کي پوليس وٽان ڇڏائي وئي.

پوليس موجب گذريل رات گرين ٽائون ۾ اسٽيج اداڪارا دعا چوڌري جي گهر ۾ سالگرا پارٽي ۾ هُل هنگامي جو اطلاع مليو هو، شڪايت تي پوليس پهتي ته دعا چوڌري ۽ اتي موجود ماڻهن اهڪارن سان منهن ماري ڪئي.

پوليس ٻن ماڻهن عدنان ۽ عبدالله کي پڪڙي ٿاڻي تي آندو هو، ٿوري دير کانپوءِ دعا چوڌري ڪجهه عورتن سان گڏجي پهتي ۽ ٻنهي ساٿين تي ٿاڻي تان ڇڏائي وئي.

پوليس موجب واقعي خلاف 7 عورتن سميت 10 ڄڻن تي ڪيس داخل ڪيو ويو آهي.

ايف آءِ آر موجب دعا، فضا، ڪائنات، سحر ۽ انهن جي ٻن ساٿين ٿاڻي تي ڪاهه ڪئي ۽ ٻن ساٿين کي پوليس وٽان ڇڏائي ويون.

You might also like

Leave A Reply

Your email address will not be published.