لينڊ مافيا سياسي اشرافيا جي مدد سان قابض، رڪارڊ ڊجيٽل ڪري ڪارروائي ڪنداسين: وزيراعظم

اسلام آباد (م ڊ) وزيراعظم عمران خان چيو آهي ته سياسي اشرافيا جي مدد سان لينڊ مافيا ٻيلن سميت رياستي ايراضي تي قبضو ڪيو آهي، قبضو ڪيل سرڪاري ايراضي جي مجموعي ويليو 5 هزار 595 ارب رپيا آهي. ٽوئيٽر تي پنهنجي بيان ۾ وزيراعظم عمران خان چيو ته پاڪستان ۾ ٻيلن جي ايراضي گهٽجڻ جو هڪ سبب زمين تي قبضو آهي، جڏهن اسان لينڊ ريڪارڊ کي ڊجيٽلائز ڪرڻ لاءِ ڪيڊيسٽريل ميپنگ ڪئي ته اهڙي مزاحمت کي منهن ڏيڻو پيو، جهڙي مزاحمت اليڪٽرانڪ ووٽنگ مشين خلاف به ڪئي پئي وڃي. هن چيو ته سرڪاري ايراضي جي ميپنگ جي پهرئين فيز ۾ حيران ڪندڙ حقيقتون سامهون آيون، سياسي اشرافيا جي مدد سان لينڊ مافيا رياستي ايراضي تي قبضو ڪيو آهي، قبضو ڪيل سرڪاري ايراضي جي مجموعي ويليو 5 هزار 595 ارب رپيا آهي، جڏهن ته ٻيلن جي قبضي ٿيل زمين جي قيمت هڪ هزار 869 ارب رپيا آهي. سندس چوڻ هو ته سرڪاري ايراضي جي ڊجيٽل رڪارڊ کانپوءِ هاڻ اسان لينڊ مافيا ۽ ان جي سهولتڪارن خلاف ايڪشن وٺنداسين.  هوڏانهن وزيراعظم پنجاب لوڪل گورنمينٽ ايڪٽ جلد منظور ڪرائڻ جي هدايت ڪئي آهي. وزيراعظم چيو ته مڪاني چونڊون ڪرائي اختيار عوام کي منتقل ڪيا وڃن. 03

 

You might also like

Leave A Reply

Your email address will not be published.