قانون سازي سپريم ڪورٽ ۾ چئلينج ڪرڻ جو اعلان، اسپيڪر پارلياماني روايتون چٿي ڇڏيون: مخالف ڌر

اسلام آباد (م ڊ) گڏيل اپوزيشن چونڊ ترميمي بل سميت ٻيا بل عدالت ۾ چئلينج ڪرڻ جو اعلان ڪري ڇڏيو. مخالف ڌر اڳواڻ شهباز شريف پ پ چيئرمين بلاول ڀٽو زرداري، جمعيت علماءِ اسلام جي اسعد محمود ۽ ٻين اڳواڻن سان
گڏ پارليامينٽ ٻاهران صحافين سان ڳالهائيندي چيو ته قانون سازي کي بلڊوز ڪيو ويو، ان ماحول ۾ قانون سازي نٿي ٿي سگهي، اپوزيشن جي ووٽن کي گهٽ ظاهر ڪيو ويو، اپوزيشن اعتراض به ڪيو، جنهن کي اهميت نه ڏني وئي. هن چيو ته انهن سڀني روايتن کي چِٿي ڇڏيو، مون ۽ بلاول اسپيڪر کي سمجهائڻ جي ڪوشش ڪئي ته قاعدن تي هلو، اسپيڪر کي ٻڌايو ته اسان جو انگ 200 کان مٿي هو، اسان جي خيال ۾ حڪومتي ڳڻپ ۾3، 4 ووٽ وڌيڪ ڳڻيا ويا، اسان جي ڳالهه نه مڃي وئي ته واڪ آئوٽ ڪيوسين. سندس چوڻ هو ته  اڄ پارلياماني تاريخ جو ڪارو ترين ڏينهن هو. حڪومت ڌانڌلي سان سمورا بل بلڊوز ڪيا، مون اسپيڪر کي چيو ته توهان زيادتي ڪري رهيا آهيو، 167 ملڪن مان رڳو 8 ملڪن ۾ اليڪٽرانڪ ووٽنگ مشين استعمال ٿي رهي آهي. پ پ چيئرمين بلاول ڀٽو زرداري چيو ته گڏيل اجلاس جا پنهنجا رولز هوندا آهن نارمل سيشن جا الڳ، مان ڀرپور ڪوشش ڪئي ته اسپيڪر کي رولز ٻڌايان، جوائنٽ سيشن مان ڪنهن بل کي منظور ڪرائڻ لاءِ 221 ووٽن جو هجڻ ضروري آهي، گڏيل اجلاس ۾ حڪومت جي فتح نه ٿي. هن اعلان ڪيو ته ڪلڀوشن کي اين آر او ۽ چونڊ ترميمي بل سميت ٻيا بل هر فورم تي چئلينج ڪنداسين. جي يو آءِ جي پارلياماني ليڊر مولانا اسعد محمود چيو ته ادارن حڪومت لاءِ انتظام ڪيو، وڏي واڪ قانونسازي رد ڪيون ٿا، ڏاڍ جو مقابلو ڏاڍ سان ئي ڪنداسين. هن چيو ته حڪومت جا اتحادي قانونسازي تي ساڻس گڏ نه هئا، چهري مان صاف ظاهر ٿي رهيو هو. اي اين پي جي امير حيدر هوتي چيو ته اسپيڪر تڪراري بڻجي چڪو آهي. جماعت اسلامي جي سينيٽر مشتاق احمد چيو ته ڪلڀوشن کي ڦاسي جي سزا ملي، حڪومت کيس اين آر او ڏئي ڇڏيو آهي. 03

 

You might also like

Leave A Reply

Your email address will not be published.