ٽي 20 ورلڊ ڪپ لاءِ افغان اسڪواڊ جو اعلان

ڪابل(ويب ڊيسڪ) ڪابل تي قبضي ۽ افغانستان جون حالتون مٽجي ويون آهن. طالبان نگران حڪومت کانپوءِ مختلف شعبن جو ڪم شروع ڪري ڇڏيو آهي.

سڌ سماءَ واري نامزد وزير ذبيح الله مجاهد دنيا کان مطالبو ڪيو آهي ته اسان جي حڪومت قبول ڪئي وڃي اسان جا آفيسر مختلف آفيسن ۾ ويهي رهيا آهن عوام جي لاءِ ڪم ٿي رهيو آهي.

هوڏانهن دنيا ۾ ٽي 20 ورلڊ ڪپ جون تياريون ٿي رهيون آهن، جنهن حوالي سان مختلف ملڪن ورلڊ ڪپ لاءِ پنهنجي ٽيم جي اسڪواڊ جو اعلان به ڪري ڇڏيو آهي جنهن حوالي سان پاڪستان ۽ نيوزيلينڊ جي سيريز مٿين هفتي کان شروع ٿي ويندي.

افغانستان ۾ موجوده حالتن کي نظر ۾ رکندي ڪرڪيٽ جي حوالي سان ڪرڪيٽ جا مداح ٻڏتر جو شڪار هئا ته ڇا افغانستان هن صورتحال ۾ ٽي 20 ورلڊ ڪپ ۾ پنهنجي ٽيم کيڏائيندو يا نه؟

ان حوالي سان گڏيل عرب امارات ۽ عمان ۾ شيڊول ٽي 20 ورلڊ ڪپ جي لاءِ افغانستان جي ٽيم جو به اعلان ڪيو ويو آهي.

غير ملڪي ميڊيا رپورٽن موجب افغان ٽيم جي اڳواڻي اسپنر راشد خان ڪندو.

اسڪواڊ جي ٻين رانديگرن ۾ رحمٰن الله گربز، حضرت الله زازئي، عثمان غني، اصغر افغان، محمد نبي، نجيب الله زادران، هشمت الله شاهدي، محمد شهزاد، مجيب الرحمٰن، ڪريم جنت، گلبدين نائب، نوين الحق، حامد حسن، شراف الدين اشرف، دولت زادران، شپور زادران ۽ قيس احمد شامل آهن.

واضح رهي ته ايونٽ ۾ افغانستان جي ٽيم سپر 12 گروپ ۾ بي ۾ موجود آهي جتي هن جو مقابلو پاڪستان ۽ ڀارت جي ٽيمن سان ٿيندو.

You might also like

Leave A Reply

Your email address will not be published.