ڪورونا وائرس: مراد علي شاهه خوشخبري ٻڌائي ڇڏي

 

ڪراچي (ويب ڊيسڪ) سنڌ جي وڏي وزير سيد مراد علي شاهه ڪورونا وائرس سبب پريشان عوام کي خوشخبري ٻڌائي ڇڏي.

سيد مراد علي شاهه هن وقت اسلام آباد ۾ آهي، جتي هن پنهنجي بيان ۾ چيو ته 6 سيپٽمبر تي سدائين يوم دفاع جي تقريب ۾ هوندو آهيان پر اڄ عدالتي نوٽيس تي اسلام آباد آيو آهيان.

ڪورونا بابت سندس چوڻ هو ته اسان وڌ کان وڌ ويڪسينيشن جي ڪوشش ڪري رهيا آهيون، سنڌ حڪومت کي ڪورونا ايس او پيز تي تنقيد جو نشانو بڻايو ويو پر اسان سنڌ ۾ سخت پروٽوڪول رکيو آهي.

سيد مراد علي شاهه چيو ته هاڻ ڪراچي ۾ ڪورونا جي هاڪاري ڪيسن جي شرح گهٽجي 7 کان 8 سيڪڙو تي اچي وئي آهي.

وڏي وزير چيو ته اسان پنهنجي عوام کان ڪجهه ناهيون لڪائيندا، پاڪستان کي اڃا تائين برطانيا جي ريڊ لسٽ مان ناهي ڪڍيو ويو.

واضح رهي ته سنڌ حڪومت ڪورونا جي روڪٿام لاءِ سخت قدم کنيا آهن ۽ اسڪولن ۾ نائين کان ٻارهين درجي تائين شاگردن جي ويڪسينيشن به لازمي قرار ڏني وئي آهي.

ان ئي سلسلي ۾ سنڌ حڪومت گذريل ڏينهن نيشنل ڪمانڊ اينڊ آپريشن سينٽر (اين سي او سي) کي به هڪ خط لکيو هو، جنهن ۾ چيو ويو هو ته بئنڪ خدمتن لاءِ ويڪسينيشن سرٽيفڪيٽ لازمي قرار ڏنو وڃي، سڀ بئنڪون ۽ پوسٽ آفيسر رڳو ويڪسين ڪرائيندڙ ڪسٽمرز کي خدمتون فراهم ڪن، ويڪسينيشن سرٽيفڪيٽ نه رکندڙن کي خدمتن جي فراهمي کان معذرت ڪئي وڃي.

You might also like

Leave A Reply

Your email address will not be published.