حڪومت عيد کان اڳ عوام تي بم ڪيرائي ڇڏيو، اٽو، کنڊ ۽ گيهه مهانگا

اسلام آباد(م ڊ) اي سي سي اجلاس ۾ اٽي جو ٿيلهو 150 رپيا، کنڊ 17 رپيا ۽ گيهه جي في ڪلو قيمت ۾ 90 رپيا واڌ جي منظوري ڏئي ڇڏي. ناڻي واري وزير شوڪت ترين جي صدارت هيٺ اي سي سي اجلاس ۾ کاڌي پيتي جي شين جي اگهن ۾ واڌ جي منظوري ڏني وئي. کنڊ جي في ڪلو قيمت ۾ 17 رپيا واڌ ڪئي وئي، يوٽيلٽي اسٽور تي  68 رپين بدران 85 رپيا في ڪلو کنڊ  موجود هوندي، اهڙي طرح 20 ڪلو اٽي جو ٿيلهو 150 رپيا مهانگو ڪيو ويو، 20 ڪلو اٽي جو ٿيلهو 800 رپين کان وڌائي 950 رپين ۾ وڪرو ڪيو ويندو. اي سي سي اجلاس ۾ في ڪلو گيهه جي قيمت 90 رپيا وڌائي وئي آهي، 170 رپيا ڪلو ملندڙ گيهه هاڻ 260 رپيا في ڪلو ۾ ملندو.  اقتصادي رابطا ڪميٽي ڪامياب پاڪستان پروگرام تحت سستن قرضن جي منظوري ڏني. پورٽ قاسم اٿارٽي جي اپ گريڊيشن لاءِ 8 ڪروڙ 66 لک رپين جو ڪانٽريڪٽ اوارڊ ۽ ٽي سي پي کي ڪپهه جون ٻه لک ڳٺڙيون گهرائڻ جي منظوري ڏني وئي. ٻه لک ميٽرڪ ٽن کنڊ گهرائڻ جي به منظوري ڏني وئي. 03

 

You might also like

Leave A Reply

Your email address will not be published.