ڪور ڪمانڊرز ڪانفرنس، ڪورونا وبا ۾ سول انتظاميا سان ڀرپور سهڪار جاري رکڻ جو عزم

 

راولپنڊي (ويب ڊيسڪ) آرمي چيف جي صدارت هيٺ ڪور ڪمانڊرز ڪانفرنس ۾ هٿياربند فوج ڪورونا کي منهن ڏيڻ لاءِ سول انتظاميا جي ڀرپور مدد جاري رکڻ جي عزم جو اظهار ڪيو آهي.

آءِ ايس پي آر موجب آرمي چيف جنرل قمر جاويد باجوا جي صدارت هيٺ ڪور ڪمانڊرز ڪانفرنس ٿي، جنهن ۾ عالمي، علائقائي ۽ اندروني صورتحال جو جائزو ورتو ويو ۽ خيبر پختونخواهه ۾ نون ضم ٿيندڙ ضلعن جي سيڪيورٽي صورتحال تي به غور ويچار ڪيو ويو.

ڪانفرنس ۾ اوڀر سرحدن، ايل او سي جي صورتحال ۽ پاڪ – ڀارت ڊي جي ايم اوز طرفان جنگبندي تي اتفاق کانپوءِ جي صورتحال جو به جائزو ورتو ويو، جڏهن ته شرڪت ڪندڙ پاڪ آرمي جي آپريشنل تيارين تي اعتماد جو اظهار ڪيو.

پاڪ فوج جي ترجمان موجب ڪانفرنس ۾ اندروني سلامتي جي صورتحال سميت ڪورونا جي ٽين لهر جو جائزو ورتو ويو ۽ هٿياربند فوج ڪورونا کي منهن ڏيڻ لاءِ سول انتظاميا جي ڀرپور مدد جاري رکڻ جي عزم جو اظهار ڪيو، جڏهن ته ڪشميرين جي جدوجهد سان ڀرپور يڪجهتي جو عزم به ظاهر ڪيو ويو.

You might also like

Leave A Reply

Your email address will not be published.