ميهڙ: پوليس انتظاميا سان ڳالهين ۽ خاطري بعد عوامي تحريڪ جو احتجاج ختم

عوامي تحريڪ تعلقي ميهڙ طرفان ارڙهين ڏينهن به شهر ۾ وڌندڙ بدامني خلاف علامتي بک هڙتال جاري رکي وئي ، احتجاج جي اڳواڻي عوامي تحريڪ جي اڳواڻ امتياز جتوئي، مشتاق چانڊيو نجيب مهيسر ۽ ٻين ڪئي ،  ارڙهن ڏينهن کان جاري ڪئمپ تي ميھڙ پوليس انتظاميا جو ايس ايڇ او نور مصطفي پٺاڻ، وڏو منشي اصغر پنهور ۽ ٻيا پوليس عملدار پهچي ويا ۽  عوامي تحريڪ جي اڳواڻن سان ملاقات ڪري سندن مسئلن حل ڪرڻ جي خاطري ڪرائيندي انهن جو احتجاج ختم ڪرايو ، عوامي تحريڪ جي اڳواڻن پوليس عملدارن آڏو مطالبا رکندي چيو ته ميهڙ شهر مان ڦر ۽ چوري ٿيل شهرين جون سمورن شيون، روڪ رقم، موٽر سائيڪلون ۽ ٻيو سامان رڪور ڪرائي اصل مالڪن کي ڏنا وڃن، ۽ ملوث ڏوهارين ۽ روپوش جوابدارن خلاف ڪارروائي ڪري کين قانون جي ڪٽهڙي ۾ آندو وڃي

رپورٽ- جميل مهيسر

 

 

 

You might also like

Leave A Reply

Your email address will not be published.