گيهه، کنڊ، اٽو وڌيڪ مهانگو، يوٽيلٽي اسٽورن تي به اگهن کي پر لڳي ويا

ڪراچي (م ڊ) وفاقي سرڪار جو مهانگائي کان ستايل عوام تي مهانگائي جو ٻيو وار، عام واهپي وارين شين جَي اگهن کي پَر لڳي ويا،اسلام آباد ۾ کنڊ 100 رپيا في ڪلو تي پهچي وئي، کليل گيهه جي قيمت 190 مان  وڌي 210 رپين تائين پهچي وئي، پشاور ۾ کنڊ، چانور، گيهه ۽ دالين جي قيمتن ۾ گذريل هڪ هفتي دوران 10 کان 20 سيڪڙو تائين اضافو ٿيو، مظفر ڳڙهه ۾ 15 ڪلو اٽي جو ٿيلهو 950 کان هڪ هزار تائين وڪرو ٿيڻ لڳو،  بازارن ۾ شيون مهانگيون ٿيڻ بعد يوٽيلٽي اسٽورز تي گيهه ۽ تيل جَي اگهن ۾ به واڌ، گيهه 22 رپيا ۽ ڪوڪنگ آئل 27 رپيا في ليٽر مهانگو ٿي ويو، بازارن ۾ سبزين ۽ فروٽ جي اگهن ۾ به غير معمولي اضافو رڪارڊ ڪيو ويو، مختلف قسم جي مصالحن جي اگهه ۾ 5 کان 15 رپين تائين واڌ ٿي آهي، ٻارن جا ڊائپر، ٽوٿ پيسٽ، هينڊ واش، ملٽي پرپز ڪلينر به مهانگا ٿي ويا، يوٽيلٽي اسٽورن تي صابڻ جي اگه ۾ ڏيڍ کان 7 رپين تائين اضافو ٿيو، سوئين جو پيڪيٽ 8 رپيا مهانگو ٿيو، يوٽيلٽي اسٽورن تي خشڪ کير، صابڻ، ڳاڙهن مرچن، لوڻ جي اگهن ۾ به وڌيڪ واڌ ٿي وئي، هڪ ڪلو ڌوئڻ جي پائوڊر جي قيمت ۾ 10 رپيا، 1.4 ڪلوگرام چانهه جي کير جي قيمت ۾ 97 رپيا، 50 گرام ادرڪ پائوڊر جي قيمت ۾ 12 کان 15 رپيا، 50 گرام مرچ جي قيمت ۾ 22 رپيا واڌ ٿي وئي،