پاور بريڪ ڊائون تي عمر ايوب ۽ فيصل واوڊا کان استعيفيٰ جو مطالبو

 

لاهور(ويب ڊيسڪ) بجلي جي بريڪ ڊائون واري معاملي تي مسلم ليگ ن توانائي واري وزي عمر ايوب ۽ آبي وسيلن واري وفاقي وزير فيصل واوڊا جي استعيفائن جو مطالبو ڪندي ٺهراءُ پنجاب اسيمبلي ۾ جمع ڪرائي ڇڏيو آهي.

مسلم ليگ ن جي ايم پي اي سميرا ڪومل طرفان ٺهراءُ جمع ڪرايو ويو. ٺهراءَ ۾ مطالبو ڪيو ويو ته بجلي جي ملڪ گير بريڪ ڊائون جي جاچ لاءِ ڪميشن قائم ڪئي ويندي.

ٺهراءَ جي متن ۾ لکيل آهي ته جاچ ڪميشن ۾ بجلي ۽ پاڻي واري وزير سميت سمورن آفيسرن کي طلب ڪيو وڃي، جاچ ڪميشن فرضن ۾ غفلت ڪندڙن جو پتو لڳائي.

 ٺهراءَ ۾ مطالبو ڪيو ويو آهي ته جاچ ڪميشن هڪ هفتي ۾ پنهنجي رپورٽ پبلڪ ڪري، جاچ مڪمل ٿيڻ تائين وفاقي وزير عمر ايوب ۽ فيصل واوڊا فوري مستعفي ٿين.

You might also like

Leave A Reply

Your email address will not be published.